KANALI SAWALA ATAKA MIRADI NANYAMBA KUMALIZIKA KWA WAKATI NA KWA UBORA

Posted on: September 6th, 2024

Akikagua ujenzi wa miradi ya  maendeleo katika Halmashauri ya Mji Nanyamba Leo tarehe 06/09/2024 Mkuu wa Mkoa wa Mtwara, Mhe. Patrick Sawala amewataka watendaji kusimamia vema ujenzi wa miradi ya Maendeleo ili ikamilike kwa wakati na kwa ubora unaotakiwa.

Kanali Sawala amewataka watendaji hao kuhakikisha miradi yote ya ujenzi iliyopokea fedha kabla ya mwezi Juni 2024 inakamilika ifikapo Septemba 30, 2024.

Miradi iliyotembelewa na kukaguliwa ni pamoja na ujenzi wa miundombinu kidato cha tano na sita katika shule ya Sekondari Mtimbwilimbwi, mradi wa TASAF barabara za jamii; ukamilishaji wa zahanati ya kijiji cha Kibaoni na ujenzi wa darasa na matundu ya vyoo Shule ya Sekondari Nanyamba.