Rais Magufuli atoa msamaha kwa Kangomba.

Posted on: April 2nd, 2019

RAIS wa Jamuhuri ya Muungano wa Tanzania Mhe. Dk. John Pombe Magufuli amewahakikishia na kuwatoa hofu wakulima wa zao la korosho wakiwemo ambao korosho zao zilikuwa zimeshikiliwa kwa tuhuma ya kununua kinyume na utaratibu maarufu kama kangomba kuwa watalipwa fedha zao.

Hayo yamesemwa leo na na Mhe. Magufuli wakati wa  uzinduzi  na uwekaji na jiwe la msingi la upanuzi wa uwanja wa ndege wa Mtwara uzinduzi ambao umefanyika katika viwanja hivyo.’

Amesisitiza kuwa msamaha huu hautaendelea hivyo wafanyabiashara hao wasirudie tena .

Aidha, Rais Magufuli ametoa ufafanuzi wa uamuzi wa serikali kununua korosho hizo baada ya kuona wanunuzi wanataka kununua kwa bei ya chini kitendo ambacho kingewanyonya wakulima.

“Kunuuna korosho kwa bei ya chini ni kuwanyonya wanyonge kwa hiyo serikali ikaona ipo haja ya kununua korosho hizo ili kuwasaidia wakulima kupata haki zao vizuri”,Amesema DK. Magufuli

Hata hivyo ametoa agizo kwa viongozi katika mikoa yote inayolima zao hilo kuhakikisha wanasimamia zao hilo ili kumsaidia wakulima.