Makabidhiano kati ya Mkuu wa mkoa mpya wa Mtwara Brigedia Jenerali Marco Gaguti na aliyekuwa Mkuu wa Mkoa Gelasius Gaspar Byakanwa

Posted on: May 20th, 2021

Aliyekuwa Mkuu wa Mkoa wa Mtwara Gelasius Gasper Byakanwa (Kulia) katika picha akimkabidhi Ofisi Mkuu wa Mkoa wa Mtwara Brigedia Jenerali Marco Gaguti Mei 20, 2021 katika Ukumbi wa Boma Mkoa.

Mkuu wa mkoa wa Mtwara Brigedia Jenerali Marco Gaguti amewaomba wananchi wa Mtwara kumpa ushirikiano zaidi ya ule alioupata aliyekuwa mkuu wa mkoa huu Ndugu Gelasius Byakanwa.

Amesema hayo 20 Mei 2021 katika ukumbi wa Boma uliopo katika ofisi ya mkuu wa mkoa wa Mtwara mbele ya watumishi mbalimbali wa serikali wa mkoa huu pamoja na waandishi wa habari.

Kwa upande wake aliyekuwa mkuu wa mkoa huu Ndugu Gelasius Byakanwa, amempongeza mkuu wa mkoa huyo mpya kwa kuteuliwa tena huku akimuomba kulisimamia swala la zao la korosho pamoja na rasilimali za Gesi na Mafuta.

Hata hivyo Mkuu wa wilaya ya Newala Bi Aziza Mangosongo akiwawakilisha wakuu wa wilaya wenzake, amesema watampa ushirikiano Bregedia Gaguti ili kuhakikisha Mtwara inazidi kusonga mbele kimaendeleo.