MRADI WA MAKONDE KUWA MWAROBAINI KERO YA MAJI WILAYA TATU ZA MTWARA

Posted on: October 4th, 2024

Naibu Waziri wa Maji, Mhe. Mhandisi Mathew Kundo leo tarehe 04/10/2024 ameanza ziara ya ukaguzi wa miradi ya maji ikiwemo ile ya moboresho ya miundo mbinu pamoja na uchimbaji wa visima.Mhandisi Kundo pia amekagua vyanzo vya maji vya Mnyawi na Makonde ambavyo vitaenda kutatua changamoto ya maji Nanyamba mji, wilaya ya Tandahimba na wilaya ya Newala.“Serikali ina nia ya kumtua mama ndoo kichwani ndio maana inafanya jitihada zote hizi, Mhe. Rais Samia ametoa zawadi kwa wabunge ambapo kila jimbo litachimbiwa visima vitano.” Alieleza Mhe. Kundo

Katika hatua nyingine Mhe. Kundo amemtaka mkandarasi anaechimba visima vya maji eneo la Maparawe, wilaya ya Masasi kukalimisha kazi hiyo ifikapo tarehe 20/10/2024.