MSIMBATI IMEITIKA; RC MTWARA AONGOZA KWENDA KUONA NYANGUMI.

Posted on: September 7th, 2024

Katika kuhitimisha tamasha la Nyangumi, Mkuu wa Mkoa wa Mtwara Mhe. Kanali Patrick Sawala Leo tarehe 07/09/2024 ameongoza wananchi na viongozi mbalimbali kwenda kuangalia nyangumi katika kina kina kirefu cha bahari ya Mtwara kilichopo ghuba ya Mnazi na maingilio ya mto Ruvuma.

Aidha, katika hafla ya kilele cha tamasha hilo lililoanza tarehe 28/08/2024, Kanali Sawala alieleza kuwa sasa ni wakati wa wawekezaji kuona fursa kuwekeza katika Mkoa wa Mtwara kiutalii kwani kuna vivutio vingi ikiwemo nyangumi ambao hupatikana Mtwara pekee.

Kanali Sawala pia aliwataka waandaji, Marine Park pamoja na wadau wa utalii kuanza maandalizi mapema ifikapo mwezi Disemba kwaajili ya msimu ujao kwa lengo la kutoa hamasa na uelewa kwa jamii kuhusu utalii wa ndani ili waweze kushiriki kwa wingi.

Wageni kutoka nchi mbalimbali ikiwemo Afrika kusini wameweza kuhudhuria maadhimisho ya kilele cha tamasha la Nyangumi 2024.