Mtwara kuandaa Mwongozo wa Uwekezaji

Posted on: April 10th, 2019

Mkuu wa Mkoa wa Mtwara Mhe. Gelasius Byakanwa akifungua kikao cha Mwongozo wa uwekezaji leo Februali 10, 2019

Mkoa wa Mtwara unajipanga kuhakikisha unaandaa mwongozo wa uwekezaji ambao utawezesha kutangazwa kwa fursa zote za uwekezaji ndani ya Mkoa. Katika kikao kilichofanyika leo katika Ukumbi wa Boma Mkoa ulioko Ofisi ya Mkuu wa Mkoa wajumbe kwa pamoja wameridhia mpango huo ulenge kuweka mazingira mazuri ya uwekezaji huku dunia nzima ikijulishwa jinsi gani wanaweza kunufaika na mazingira hayo.

Awali akifungua kikao hicho Mkuu wa Mkoa wa Mtwara Mhe. Gelasius Byakanwa amesema Shirika la Maendeleo la Umoja wa Mataifa (UNDP) wameridhia kufadhili uandaaji wa mpango huo ambapo Taasisi ya ESRF imepewa kazi hiyo. Amesema ili kuhakikisha lengo la mkoa linafikiwa ni lazima wadau wote kujiandaa ili kutoa ushirikiano kwa waandaaji.

Wakichangia mawazo wajumbe wa kikao hicho waesema Mkoa unazo fursa nyingi zinazoweza kusaidia katika kuhamasisha uwekezaji. fursa hizo ni pamoja na miundombinu ya usafiri ikiwemo barabara, uwanja wa Ndege, bandari pamoja na ardhi nzuri yenye rutuba.