“MTWARA NI SALAMA KWA UWEKEZAJI NA UTALII” RC SAWALA

Posted on: September 8th, 2024

Mkuu wa Mkoa wa Mtwara, Mhe. Kanali Patrick Sawala mapema leo tarehe 08/09/2024 amekutana na watalii waliotokea Afrika Kusini wanaosafiri ulimwenguni kote kwa meli ya Luna Moon iliyotengenezwa mwaka 1910.

“Tumetembea zaidi ya nchi 100; Tanzania ni nchi nzuri, Mtwara inavutia na watu wake ni wakarimu sana tutakuwa mabalozi wazuri kuitangaza Mtwara na nchi yote.” Alieleza mmoja wa wamiliki wa Luna Moon.

Aidha, Afisa anaeshughulikia masuala ya uwekezaji Mkoa wa Mtwara Bi. Nanjiva Nzunda ametumia fursa hiyo kuwaleza wageni hao vivutio mbalimbali vipatikanavyo mkoa wa Mtwara huku akiwakaribisha kuwekeza kwenye fursa mbalimbali.

Kwa upande wake Kanali Sawala amewahakikishia wageni hao kuwa Mtwara ni salama kwa utalii na uwekezaji. 

“Hawa watalii wamekuja kutembelea Tanzania na wako Mtwara kwasababu tuna uhakika wa usalama, vivutio na Jana walikuwa kwenye Tamasha la Nyangumi kule Msimbati. Ninaomba nitumie nafasi hii kuwakaribisha watalii wote wa ndani na nje waje Mtwara tuna vivutio vingi na usalama ni wa kutosha.” Alieleza Mkuu wa Mkoa