Naibu Waziri Waitara afundisha HIsabati Masasi

Posted on: March 9th, 2019

Wakati Dunia ikiazimisha siku ya wananwake Duniani Naibu Waziri Tawala za Mikoa na Serikali za Mitaa Mhe. Mwita Waitara ambaye kitaaluma ni mwalimu wa Hisabati na Fizikia ametembelea shule ya wasicha ya Masasi na kufundisha somo la Hisabati kidato cha Nne.

akizungumza baada ya kutoa elimu hiyo Mhe. Waitara ambaye ni mwalimu kitaaluma amepongeza jitihada za walimu katika kuhakikisha watoto wanapata elimu huku akisisitiza kuweka msisitizo zaidi katika masomo ya sayansi.

Naye Kiranja Mkuu wa shule hiyo Mwinga Martin Ndaki amempongeza Mhe. Waitara huku akisisitiza watoto wa kike kujiamini kwa kile alichodai uumbaji wa Mungu uliweka ziada kwa watoto wa kike ikiwemo ujasiri na ushawishi.

Mhe. Waitara yuko Katika ziara ya kikazi ya siku 6 Mkoani Mtwara ambapo ametembelea maeneo mbalimbali kukagua maendeleo ya miundombinu ya elimu pamoja na kuzunguza na watumishi wa Umma