REA KUJA NA MRADI WA MAJIKO BANIFU MKOA WA MTWARA; KISIWA CHA NAMPONDA KUNUFAIKA NA UMEME WA MFUMO WA JUA

Posted on: August 20th, 2025

Wakala wa nishati vijijini (REA) mapema leo tarehe 20 Agosti 2025 wametambulisha miradi miwili inayofadhiliwa na Benki ya Dunia kwa ushirikiano na serikali ya Tanzania ikiwa na lengo la kuchochea nishati safi ya kupikia pamoja na umeme wa jua mkoani Mtwara.

Meneja Teknolojia za Nishati, Eng. Michael J. Kyessi ameeleza kuwa jumla ya majiko banifu 8794 yatauzwa kwa bei ya ruzuku ya shilingi 11,200/= badala ya 56,000/= kwa mkoa wa Mtwara.

“Tuna mradi wa kupeleka umeme wa mfumo wa jua katika maeneo ya visiwa nchi nzima, kwa mkoa wa Mtwara huduma itatolewa katika kisiwa cha Namponda kilichopo kijiji cha Ruvula, kata ya Msimbati ambapo kaya 28 zitanufaika.” Alieleza Eng. Kyessi

Katibu Tawala Mkoa wa Mtwara, CPA. Bahati Geuzye amewahakikishia REA pamoja kampuni zitakazotekeleza miradi hiyo ushirikiano wa kutosha.