SIMAMIENI VIZURI MIRADI FEDHA ZIPO: WAZIRI MKUU_KASSIM MAJALIWA

Posted on: July 8th, 2023

Waziri Mkuu wa Jamhuri ya Muungano wa Tanzania Mhe. Kassim Majaliwa (Mb) ametembelea shule ya Sekondari Dinyecha iliyopo katika Kijiji cha Chikwaya ambayo ipo katika ujenzi kujionea namna shughuli zinavyoendelea na kupata nafasi ya kusalimiana na wananchi pamoja na wakandarasi wa ujenzi huo.

Akiwa shuleni hapo amemuagiza mkandarasi kuongeza kasi ya utendaji kazi kwasababu fedha zipo huku akimtaka mkandarasi huyo afanye kazi mchana na usiku kwani ili amalize ujenzi mapema kabla ya Muhula mpya wa masomo haujaanza ili wakati utakapofika shule hiyo iweze kupokea wanafunzi wapya wa kidato cha tano mwaka huu.

Aidha Mhe. Kassim Majaliwa amemtaka Mkurugenzi wa Halmashauri Mji Nanyamba  kusimamia ujenzi huo ili kusaidia kuongeza hamasa kwa mkandarasi ili aweze kumaliza wakati.