ZAMBIA NA MTWARA KUSHIRIKIANA KIUCHUMI

Posted on: November 5th, 2024

Naibu Katibu Mkuu Kiongozi wa Serikali ya Zambia Siazongo Siakalenge akiambatana na balozi anayeiwakilisha nchi hiyo hapa nchini ameanza ziara ya kikazi Mkoani Mtwara itakayohusisha kutembelea miradi mbalimbali ya Maendeleo ikiwemo bandari ya Mtwara

Katika salamu zake Kwa viongozi mbalimbali waliofika kumlaki Naibu Katibu Mkuu Kiongozi Siakalenge ameipongeza serikali ya Tanzania Kwa kuendelea kudumisha mahusiano mema kati ya nchi hizo mbili na kuahidi kuwa nchi yake itaendelea kuuenzi uhusiano huo Kwa vitendo.

Aidha Mhe Siakalenge ameongeza kuwa katika ziara yake ya siku moja Mkoani Mtwara ujumbe wake umejifunza masuala mbalimbali ya usafirishaji pamoja na fursa za kiuchumi zilizopo ambapo wameweka mikakati ya kuzitumia Kwa maslahi ya wananchi wa pande zote mbili.

Mara baada ya kutembelea bandari ya Mtwara na kujionea jinsi inavyofanya kazi na Naibu Katibu Mkuu Siakalenge amesema Zambia iko tayari kushirikiana na serikali ya Mkoa wa Mtwara kuzitumia fursa za kiuchumi zilizopo Kwa maslahi ya pande zote mbili.

Miongoni mwa viongozi walioambatana na Naibu Katibu Mkuu Kiongozi katika ziara hiyo ya siku moja ni pamoja na balozi wa Zambia Nchini Tanzania pamoja na baadhi ya Mawaziri na Makatibu wakuu wa Serikali ya Zambia.