WATUMISHI WA SEKRETARIETI YA MKOA WAPATA MAFUNZO JUU YA UGONJWA WA CORONA.

Posted on: June 24th, 2021

Katibu Tawala Mkoa wa Mtwara Ndg. Abdallah Mohamed Malela amekutana na watumishi wa Sekretarieti ya Mkoa leo tarehe 24/6/2021 kwenye ukumbi wa Boma Mkoa ili kuwahamasisha  kuchukua tahadhari dhidi ya ugonjwa wa Corona.

Wataalamu kutoka Seksesheni ya Afya ambao ni Ndg. Serveus Kamala - Afisa Afya na Ndg. Edward Ngonyani - Mratibu wa Maabara Mkoa walitoa elimu ya afya kuhusiana na ugonjwa wa CORONA.

Katika mafunzo hayo watumishi walisisitiziwa kuepuka msongamano wawapo ofisini, kuvaa barakoa wanapokuwa katika mikusanyiko au wakati wa mazungumzo na mtu mwingine, kutakasa mikono, vitasa, meza, milango nk

Na mwisho watumishi wote walikumbushwa kufanya mazoezi, kuzingatia lishe bora na kutoa taarifa pindi waonapo dalili au mshukiwa wa ugonjwa wa CORONA.