Waziri Mkuu ampongeza RC Mtwara kwa kuendeleza Michezo

Posted on: June 10th, 2019

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa ampongeza Mkuu wa Mkoa wa Mtwara kwa jitihada anazozionesha katika kuendeleza michezo mkoani hapa.

Pongezi hizo amezitoa leo katika Uwanja wa Nangwanda Sijaona mjini Mtwara wakati akifungua mashindano ya UMITASHUMTA na UMISETA.

*“Napenda nimpongeze Mkuu wa Mkoa wa Mtwara ambaye amepanga utaratibu wa kuwakutanisha wananchi kwa ajili ya michezo na burudani kama lile tamasha lililofanyika wiki iliyopita kule Masasi... Hiyo ndiyo njia sahihi… na wengine waige”*  

 Tangu kuingia mkoani hapa Mhe. Byakanwa amekuwa akitumia michezo na burudani kutangaza fursa za utalii zilizoko.

Desemba 2018 aliwaongoza wananchi wa Manispaa ya Mtwara na Halmashauri ya Wilaya ya Mtwara kuandaa tamasha la Msangamkuu Beach Festival ambalo lilivuta umati mkubwa wa wananchi wa ndani na nje ya Mkoa. Aidha  Juni 6-9 mwaka huu aliwaongoza wananchi wa mji wa Masasai kuandaa tamasha la kutangaza utalii wa mji huo kupitia mlima Mkomaindo.

Tamasha hilo ambalo lilihudhuriwa na Msanii wa Bongo fleva mzaliwa na Tandahimba Mtwara Rajab Abdul Kahali Maarufu kwa jina la Harmonize lilitambulishwa kwa jina la *Masasi Rock Festival - Tukutane Kileleni*