581 WAHITIMU STEMMUCO; MMOJA AHITIMU SHAHADA YA UCHUMI

Posted on: November 16th, 2024

Mkuu wa Chuo kishiriki cha SAUT tawi la Mtwara, Stella Maris (STEMMUCO) Padre Prof. Thadeus Mkamwa amewatunuku wahitimu 581 astashahada, stashahada na shahada ya kwanza katika mahafali ya 13 yaliyofanyika leo tarehe 16 Novemba 2024.

Mgeni rasmi katika mahafali hayo ambae ni Naibu waziri Mkuu na Waziri wa Nishati Mhe. Doto Biteko amewaambia wahitimu hao kuwa vyeti watakavyopata pekee havitoshi kukabiliana na changamoto bali maarifa waliyonayo.

“Yawezekeana miongoni mwa wahitimu hawa kuna wengine hawana furaha kwani wanajiuliza nini kitafuata baada ya kuhitimu, nini kesho yao; maswali haya ni kawaida kwa wahitimu lakini nataka niwaambia wakati wote jihamasishe mwenyewe usimuangalie mwenzio. Iwekeni hofu nyuma, kuwa na mwelekeo chanya. Anza kwa namna yoyote inayofaa,nendeni mkajaribu.” Alieleza Dkt. Biteko

Mhe. Biteko aliwasihi wanaoendelea na masomo kuzingatia masomo na kujiepusha na migogoro ya aina yoyote; huku akisisitiza jamii kuwekeza kwenye elimu kwani ni nyenzo muhimu inayoweza kutatua matatizo ya jamii.

Miongoni mwa wahitimu 581 ni mwanafunzi mmoja pekee ndie aliehitimu Shahada ya Uchumi (Bachelor of arts in ecomonics).