CAG ZIARANI MTWARA; AIPONGEZA OFISI YA MKUU WA MKOA KWA KUPATA HATI SAFI

Posted on: September 15th, 2025

Mkuu wa Mkoa wa Mtwara, Mhe. Kanali Patrick Sawala leo tarehe 15 Septemba 2025 amefanya mazungumzo na Mdhibiti na Mkaguzi Mkuu wa Hesabu za Serikali (CAG), Dkt. Charles Edward Kichere ambaye yuko mkoani Mtwara kikazi.

CAG. Kichere amesema ziara yake hiyo ni ya kawaida kwa utendaji kazi kwani Ofisi yake ipo kwenye hatua za Ukaguzi katika Taasisi mbalimbali za umma kabla ya kuwasilisha ripoti kwa Mhe. Rais ifikapo mwezi Machi mwakani.

“Mkuu wa Mkoa nikupongeze kwa usimamizi mzuri kuhakikisha hoja zinafanyiwa kazi, pia niipongeze Ofisi yako kwa ujumla kwa kupata hati safi kwa mwaka uliopita.” Aleleza CAG. Kichere