KAMATI YA KUDUMU YA BUNGE UWEKEZAJI WA MITAJI YA UMMA (PIC) BANDARINI MTWARA

Posted on: March 25th, 2024

BANDARI

Kamati ya Kudumu ya Bunge ya Uwekezaji wa Mitaji ya Umma (PIC) imesema serikali ilifanya jambo la muhimu kuwekeza pesa nyingi katika kuboresha miundombinu ya Bandari ya Mtwara.

Akiongea mara baada ya kamati hiyo kutemebelea bandari hiyo leo tarehe 25 Machi 2024, Mwenyekiti wa kamati hiyo Deus Sangu amesema uwekezaji huo umekuwa na tija kubwa kibiashara katika bandari hiyo.

"Jambo kubwa na la muhimu ambalo serikali ilifanya na limeleta faida kubwa ni uwekezaji wa shilingi takribani bilioni 157 katika Bandari  hii ya Mtwara, uwekezaji huo umeleta mapinduzi makubwa,".

Akitoa taarifa ya maendeleo ya Bandari hiyo, Naibu Mkurungezi Mkuu wa Mamlaka ya Bandari Nchini (TPA) Mhandisi Juma Kijavara amesema uwekezaji huo umeiwezesha Bandari kuhudumia shehena za tani  milioni 1.1  mizingo na kuvuka lengo.

Kabla ya uwekezaji huo (Shilingi bilioni 157) Bandari hiyo ilikuwa na uwezo wa kuhudumia tani 400,000 tangu ilivyojengwa mwaka 1954.

Kwa mujibu wa taarifa, kipindi cha mwaka 2022/2024 Bandari ya Mtwara ilihudumia mizigo tani 1,126,300 na kuvuka lengo la kusafirisha tani 1000,000.

Kijavara amesema bandari iliweka lengo la kusafirisha tani milioni 1.2 kufika mwaka 2025 ambapo lengo hilo limefikwa kabla ya kipindi husika.

Kwa hatua nyingine, kamati hiyo imetoa wito kwa serikali kuboresha miundombinu ambayo inaunganisha bandari ya sehemu mbalimbali ikiwemo Ruvuma ambapo kunafanyika uchimbaji wa makaa ya mawe ambayo yanasafirishwa kwenda nchi za nje kupitia Bandari ya Mtwara.

Machi 25, 2024

#TunaifunguaMtwara

#KaziIendelee