KAMPENI YA CHANJO NA UTAMBUZI WA MIFUGO YAZINDULIWA MTWARA

Posted on: July 5th, 2025

Kampeni ya kitaifa ya chanjo kwa mifugo na utambuzi wa mifugo iliyopatiwa chanjo yazinduliwa mkoani Mtwara leo tarehe 05 Julai 2025.

Akizindua kampeni hiyo Katibu Mkuu Wizara ya mifugo na uvuvi, Bi. Agnes Kisaka Meena ameeleza kuwa Serikali itatoa chanjo bure kwa mifugo aina kuku na kwa mifugo aina ya ng’ombe na mbuzi Serikali imetoa ruzuku ya asilimia 50 ambapo mfugaji atachangia shilingi 500 kwa chanjo.

Katibu Tawala Mkoa wa Mtwara, CPA. Bahati Geuzye amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kuwajali wafugaji na kuwaletea chanjo za mifugo huku akiahidi kusimamia vema zoezi hilo la uchanjaji kwa mkoa wa Mtwara ili liweze kufanikiwa.

Kampeni hiyo kitaifa ilizinduliwa na Mhe. Rais Samia huko Bariadi mkoani Simiyu Juni 16, 2025 ikielezwa kuwa zoezi la chanjo na utambuzi wa mifugo iliyopata chanjo litakuwa ni endelevu kwa miaka mitano.