Jamhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Mtwara

MGANGA MKUU WA SERIKALI ZIARANI MTWARA KUSHUGHULIKIA SEKTA YA AFYA

Posted on: September 9th, 2025

Mganga Mkuu wa Serikali, Dkt. Grace Magembe amesema watumishi wanaojitolea katika Sekta ya afya wanatakiwa kupewa kipaumbele. Dkt. Grace ameyasema hayo leo tarehe 09 Septemba 2025, alipokuwa akizungumza na baadhi ya watumishi wa Sekta hiyo katika Ofisi ya Mkuu wa Mkoa wa Mtwara baada ya kupokelewa na Katibu Tawala wa Mkoa, CPA. Bahati Geuzye.

Lengo la ziara ya Dkt. Magembe ni kujionea hali ya utoaji wa huduma za afya, Changamoto zilizopo kwenye Sekta hiyo, pamoja na kuzungumza na wataalamu na Watumishi wa afya ili kujadili mambo mbalimbali hasa yahusuyo maadili.