MKUNWA YAHAIDIWA KITUO CHA AFYA.

Posted on: July 8th, 2023

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) ametembelea katika kituo cha afya Mkunwa kinachojengwa katika Halmashauri ya Wilaya ya Mtwara kukagua maendeleo ya mradi wa ujenzi wa kituo hicho.

Akiongea mara baada ya ukaguzi Mhe. Waziri Mkuu amemuagiza Mganga mkuu wa Wilaya kusimamia ujenzi wa kituo hicho ili kikamilike kwa wakati kwani Serikali inataka kuona wananchi wakipata huduma za afya wakiwa katika maeneo yao.

Aidha amewatoa hofu wananchi wa kijiji cha Mkunwa na kuwataka watoe hofu juu ya changamoto ya watoa huduma za afya kwani Serikali iko katika hatua za mwisho za kutoa takribani ya watumishi 400 ambao watapangiwa vituo vipya vya afya ikiwemo kituo cha Mkunwa.