Mpango Kabambe wa Mji wa Mtwara wapongezwa Bungeni.

Posted on: May 28th, 2017

Waziri wa Ardhi, Nyumba na Maendeleo ya Makazi Mheshimiwa William Lukuvi akimkabidhi Mkuu wa Mkoa wa Mtwara Mheshimiwa Halima Dendego Kitabu cha Mpango Kabambe wa Mji wa Mtwara

Mbunge wa Mtwara Mjini Mheshimiwa Maftaha Nachuma amempongeza Waziri wa Ardhi Nyumba na Maendeleo ya Makazi, Mheshimiwa William Lukuvi kwa kuzindua Mpango Kabambe wa Mji wa Mtwara. akitoa pongezi hizo juzi Bungeni Nachuma ambaye ni Mbunge Kupitia Chama cha Demokrasia na Maendeleo (CHADEMA) amesema uzinduzi wa Mpango huo ndio suluhisho la migogoro ya ardhi katika maeneo yaliyoingizwa katika mpango huo.

Amesema hata maandiko matakatifu yanasisitiza kupongeza hivyo ni muda wa watanzania wote kupongeza hatua hiyo hasa ikizigatiwa kuwa mpango huo ni kwanza kuzinduliwa tangu serikali ya awali ya tano iingie madarakani.

Akizungumzia hatua hiyo ya kupongezwa Bungeni, Afisa Habari wa Halmashauri ya Manispaa ya Mtwara Mikindani Jamad Omari amesema ni suala la kushukuru pale jambo jema lililofanyika linapopongezwa na wadau wote wa maendeleo. Amesema lililobaki sasa ni kuhakikisha jitihada hizo zinasimamiwa kwa uhakika ili ili kulinda makusudi ya mpango.

Mpango Kabambe wa Mji wa Mtwara ulizinduliwa Mei 2, 2017. Mpango huo unajumuisha eneo lote la Manispaa ya Mtwara Mikindani na kata tisa za halmashauri ya Wilaya ya Mtwara.

Ili kutazama video ya tukio Bonyeza HAPA