RC SAWALA ATOA SIKU SIKU 10 KUBAINI WAKULIMA AMBAO HAWAJAPATA PEMBEJEO

Posted on: July 8th, 2025

Mkuu wa Mkoa wa Mtwara Mhe. Kanali Patrick Sawala amewaagiza Waheshimiwa Wakuu wa wilaya za Mtwara kusimamia kikamilifu zoezi la utambuzi wa wakulima ambao hawakupata ruzuku ya pembejeo ili waweze kupatiwa viwatilifu hivyo.

Kanali Sawala ametoa agiza leo tarehe 08 Julai alipokuwa akiongoza kikao cha kujadili hali ya usambazaji pembejeo mkoani Mtwara kilichofanyika katika ukumbi wa Boma.

“Kuna wakulima hawajapata pembejeo, twendeni mashambani tukaone hali halisi kila mkulima apate anachostahili. Ninatoa siku 10 zoezi hilo liwe limefanyika.” Alisema Kanali Sawala

Aidha Kanali Sawala amewataka maafisa ushirika na maafisa kilimo kutoa elimu kwa wakulima kuhusu matumizi sahihi ya viwatilifu ili pembejeo zinazotolewa na Serikali ziwasaidie kupata matokeo bora.

Kwa upande wake Mkurugenzi Mkuu wa Bodi ya Korosho Tanzania, Ndg. Francis Alfred ameeleza kuwa watachukua hatua za kisheria kwa watendaji watakaofanya udanganyifu kwenye mifumo na kwa mkulima atakaetoa pesa ili apate pembejeo nyingi.