SIMAMIENI MIRADI KIKAMILIFU KUONGEZA TIJA KATIKA TAALUMA: KANALI AHMED ABBAS AHMED_MKUU WA MKOA WA MTWARA.

Posted on: July 12th, 2023

Mkuu wa Mkoa wa Mtwara Kanali Ahmed Abbas Ahmed amewataka viongozi wa shule ya Sekondari ya wasichana Mtwara kuendelea kusimamia kikamilifu ujenzi wa miundombinu ikiwemo Vyumba vya Madarasa na mabweni unaoendelea katika shule hiyo ili kufikia lengo la kusajili  wanafunzi 472 muhula ujao.

Kanali Abbas ameyasema hayo mara baada ya zoezi la ukaguzi wa ujenzi wa Miundombinu hiyo iliyogharimu kiasi cha Shilingi Milioni 362. 2 na kusisitiza kuwa Serikali  itahakikisha mtoto wa kike anapata haki yake ya kupata elimu katika mazingira bora na wezeshi.

Pia Kanali Abbas ametoa with kwa waalimu na walezi kusimamia  kwa ukaribu suala zima la malezi ya wanafunzi wa kike ili kuwawezesha kutimiza malengo yao  sambamba na maono ya Mhe. Rais wa Jamhuri ya Muungano wa Tanzania anayetaka kuona mtoto wa kike anapata fursa ya kupata Elimu kama ilivyokusudiwa

Halikadhalika mara baada ya kujionea hatua ya ujenzi wa Miundombinu iliyofikiwa,  Kanali Abbas alikabidhi zawadi ya boksi 51 za taulo za kike kwa wanafunzi wa shule hiyo pamoja na chakula cha mchana hatua ambayo amesema inalenga kuwahamasisha kusoma kwa bidii.