TAKUKURU MTWARA YAOKOA ZAIDI YA MILIONI 77 MRADI SEKTA YA ELIMU.

Posted on: April 27th, 2024

TAKUKURU MTWARA YAOKOA ZAIDI YA MILIONI 77 MRADI SEKTA YA ELIMU.

Kaimu Mkuu wa TAKUKURU Mkoa wa Mtwara, Mashauri Elisante leo hii amezungumza na vyombo vya habari katika Ofisi ya TAKUKURU Mkoa wa Mtwara ambapo ameanza kwa kusema,

Katika kipindi cha kuanzia Januari hadi Machi 2024, TAKUKURU Mtwara ilifanya ufuatiliaji utekelezaji wa mradi wa ujenzi wa vyumba vitatu vya madarasa, Matundu matatu ya vyoo na ununuzi wa madawati 45 katika shule ya msingi Msinyasi iliyoko Wilaya ya Nanyumbu. Mradi huu ni wa thamani ya shilingi Milioni Sabini na saba mia moja elfu (77,100,000/=).

Katika ufuatiliaji huo amesema Mashauri, walibaini kuwa madawati yote 45 hayakukidhi viwango vya ubora vilivyokubaliwa katika mkataba, Milango na vitasa vilivyowekwa vilikua havina Ubora kama ilivyoainishwa katika mkataba. Baada ya kubaini mapungufu, walitoa ushauri wa kurekebisha mapungufu hayo na yote yalifanyiwa kazi hivyo kukidhi viwango vya ubora uliotakiwa.

Aprili 27, 2024

#TunaifunguaMtwara

#KaziIendelee