VYAMA VYA USHIRIKA MTWARA VYARUDISHA FADHILA KWA WADAU.

Posted on: February 2nd, 2023

Vyama vikuu vya Ushirika mkoani Mtwara vimekabidhi hundi zenye thamani ya Tsh. Milioni 203 na mifuko 700 ya saruji yenye thamani ya Tsh. Milioni 13 kwa ajili ya kuinua shughuli za maendeleo katika sekta za Afya, Elimu na Maji.

Hundi hizo zimepokelewa na Mkuu wa mkoa wa Mtwara Kanali Ahmed Abbas Ahmed katika ukumbi wa Boma, ofisi za Mkuu wa mkoa.

Akizungumza wakati wa kukabidhi Hundi hizo Meneja wa Tanecu, Ndg. Mohamed Nassoro   amesema dhumuni kubwa la vyama vya ushirika ni kuona jamii ikinufaika na kuendelea kwani ndio jukumu lao kuu kupeleka maendeleo katika jamii.

Vyama hivo vya Ushirika vimemshukuru mkuu wa mkoa wa Mtwara kwa niaba ya viongozi wote wa mkoa, kwa ushirikiano mzuri wanaoupata kutoka kwao kwani umesaidia kupunguza changamoto katika vikundi vingi vya ushirika.

Aidha, Mkuu wa mkoa wa Mtwara alipata wasaa wa kutoa neno la shukrani mara baada ya kupokea hundi hizo.

MWISHO.