Video

• 

  Mashamba ya Ufuta ya halmashauri kuanzishwa Mtwara

  June 12th, 2019

  Halmashauri Mtwara kuanzisha kilimo cha Ufuta

  Na Evaristy Masuha.

  Mkuu wa Mkoa wa Mtwara Mheshimiwa Gelasius Byakanwa ameitaka Taasisi ya Utafiti wa Kilimo Naliendele kuanzisha mashamba darasa ya ufuta mkoani hapa.

  Agizo hilo amelitoa leo wakati akizindua mafunzo ya matumizi sahihi ya viuatilifu  kwa wakulima na Maafisa Ugani katika kijiji cha Maili Kumi wilayani Mtwara. Amesema mashamba hayo yatasaidia kutoa elimu kwa wakulima wa ufuta na hivyo kuongeza uzalishaji wa zao hilo. Pia, itapanua uelewa wa teknolojia ya kilimo na kuachana na imani ya baadhi ya wakulima kuwa shamba la ufuta linahitaji kupumzishwa kila baada ya msimu mmoja wa kilimo.

  Amezitaja baadhi ya wilaya ambazo zinaweza kuanzishwa mashamba hayo ambayo yatamilikiwa na Halmashauri kuwa ni Masasi, Nanyumbu na Mtwara.

  “Dkt. Kapinga, Tunahitaji kuwa na shamba la mfano. Wasiliana na halmashauri ya Masasi tupate shamba kubwa la halmashauri ambalo tutalisimiamia kuonesha kilimo cha ufuta, Pia Nanyumbu na Mtwara.” Amesema Byakanwa.

  Amesema ardhi ya kilimo cha ufuta ipo ya kutosha hivyo ni suala la wakulima kuwezeshwa elimu. Amesema kwa sasa mkoa umedhamiria kuendeleza kilimo hicho ambacho kimeingizwa katika mfumo wa stakabadhi ghalani kama ilivyo kwa zao la korosho.

  Kwa upande wake Kaimu Mkurugenzi wa Taasisi ya Utafiti wa Kilimo Naliendelea (TARI–Naliendele) Dkt. Fortunatus Kapinga amesema Taasisi iko tayari kutekeleza agizo hilo. Amesema kilimo cha mazao mbadala imekuwa ni moja ya maekezo yao kwa wakulima wanakapoanzisha mashamba mapya ya korosho hivyo ni suala la kuweka msisitizo na kuongeza elimu zaidi.

  Mkoa wa Mtwara ni moja ya wazalishaji wakuu wa zao la korosho ambalo limekuwa likiuzwa kupitia utaratibu wa stakabadhi ghalani. Msimu wa 2019/2020 zao la ufuta pia limeingizwa katika utaratibu huo jambo ambalo linawafanya viongozi wa mkoa kusisitiza kilimo hicho.

• 

  Harmonize atua Masasi Rock Festival. Akutana na RC Mtwara

  June 4th, 2019

  Msanii wa Bongo Fleva Haromonize ametua Mjini Mtwara Tayari kuungana na wakazi wa mji wa Masasi kwa ajili ya kuutangaza utalii wa mji huo kupitia mlima Mkomaindo. Harmonize ambaye ametua na kundi la wasanii wenzake amesema lengo lake ni kuhakikisha sanaa ya kusini inainuka na hivyo kufikia ndoto yake ya kuhakikisha analipa fadhila kwa heshima aliyopewa na watu wa Kusini.

• 

  ZOezi la Serikali Kununua korosho linaenda vizuri - Waziri

  November 16th, 2018

  Waziri wa Kilimo, Mifugo na Uvuvi Mheshimiwa Japhet Hasunga amesema malipo ya wakulima wa korosho yameanza leo na kwamba hatua hiyo imefikiwa baada ya uhakiki ambao umekamilika kwa vyama vya Msingi 35 vikiwa vikiwa ni katika mkoa wa Mtwara.

  
  

  Amesema bao uhakiki unaendelea na kwamba ndani ya wiki mbili watakuwa wamekamilisha na hivyo kila mkulima aliyefiksiha korosho yake sokoni kulipwa fedha yake.

  
  

  Mheshimiwa waziri ameyasema hayo leo wakati wa kikao chake na waandishi wa habari klilichofanyika kwenye ukumbi mdogo wa Boma uliko Ofisi ya Mkuu wa Mkoa MTwara.

  
  

  Ametahadhalisha baadhi ya wakulima ambao baada ya kuona serikali inanunua korosho kwa bei nzuri wameanza kuingiza korosho ya daraja la chini ambayo ilibaki kwenye misimu iliyopita. amesema wako makini na watahakikisha jambo hilo halijitokezi.

  
  

  AIdha mheshimiwa Waziri amesema fedha hizo zitalipwa moja kwa mmoja wka wakulima badala ya kuzipitisha kwenye vyama vya msingi ili kuhakikisha fedha inamfikia mkulima wka haraka zaidi